परीक्षा स्थगित भएको आक्रोशमा प्रदेश नं. २ का विद्यार्थीहरू प्रदर्शनमा उत्रिए

होमल्याण्ड खबर

२०७५ चैत्र १५ गते, शुक्रबार ११:४४ मा प्रकाशित

एसइई परीक्षाअन्तर्गत आजको सामाजिक विषयको प्रश्नपत्र पनि बाहिरिएपछि प्रदेश नं. २ का विद्यार्थीहरू प्रदर्शनमा उत्रिएका छन् ।

बुधवार अनिवार्य विज्ञान र बिहीबार सामाजिक विषयको परीक्षा स्थगन भएको विरोधमा विद्यार्थीहरू आन्दोलनमा उत्रिएका हुन् ।

परीक्षा स्थगित एवं रद्द गरी परीक्षार्थीलाई दुःख दिएको भन्दै विद्यार्थीहरूले प्रदेश नम्बर २ को पर्सा, बारा, रौतहट, सर्लाही, महोत्तरी, धनुषा, सिरहा, सप्तरी लगायतका जिल्लाहरूमा बिद्यार्थीहरूले विभिन्न चोकहरूमा टायर बाली प्रदर्शन गरिरहेका छन् ।

विद्यार्थीहरू सडकमा टायर बालेर प्रदेश तथा संघीय सरकार विरुद्ध नाराबाजी गर्दै प्रदर्शन गरिरहेका छन् ।

बिद्यार्थीहरू आन्दोलनमा उत्रिनसाथ प्रदेश नम्बर २ का मुख्य मन्त्री लालबाबु राउत गद्दीले केन्द्र सरकारले प्रदेश नम्बर २ लाई बदनाम गर्ने षडयन्त्र गरिरहेको आरोप लगाएका छन् ।

सम्बन्धित खबर

पोखरामा सम्पन्न नेपाल–भारत बैठकले विद्युत खरिद दर बढायो

अनधिकृत रुपमा भूमि दिलाइदिने भ्रमका पछि नलाग्न आयोगको आग्रह

समानुपातिक सांसदको नाम आइतबार निर्वाचन आयोगमा पठाउने एमालेको तयारी

स्थानीयको अवरोधले काठमाडौं उपत्यकाको फोहोर विसर्जन रोकियो

सुनको भाउ तोलामा २ हजार ८ सय रुपैयाँ घट्यो

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव