९ मंसिर २०८१, आईतवार
२०७५ चैत्र २८ गते, बिहीबार ०८:०२ मा प्रकाशित
भारतमा लोकसभा निर्वाचनका लागि आजदेखि मतदान हुँदैछ ।
१८ राज्य र केन्द्र शासित २ प्रदेशका ९१ सिटका लागि मतदाताले आफ्ना प्रतिनिधि छान्दै छन् । मतदान बिहान ७ बजे शुरु हुँदै छ।
प्रमुख निर्वाचन आयुक्तले सबै मतदातालाई अत्यधिक रूपमा मतदान गर्न आह्वान गरेका छन् । केन्द्रमा सरकार बनाउन ७ चरणमा निर्वाचन हुँदै छ ।
संसद्को तल्लो सदन लोकसभाका लागि सात चरणमा हुने मतदान मे १९ तारिखसम्म हुनेछ । तर मतगणना भने मे २३ तारिखमा सुरु हुनेछ ।
पहिले चरणमा आन्ध्र प्रदेश, अरुणाचल प्रदेश, मेघालय, उत्तराखण्ड, मिजोरम, नागाल्याण्ड, सिक्किम, लक्षद्वीप, अण्डमान निकोबार द्वीप समूह र तेलंगानाका सबै लोकसभा सिटका लागि मतदान गरिने व्यवस्था मिलाइएको छ ।
साथै असम, बिहार, छत्तीसगढ, जम्मुकश्मीर, महाराष्ट्र, मणिपुर, उडिशा, त्रिपुरा, उत्तर प्रदेश र पश्चिम बंगालमा लोकसभाका केही सिटका लागि मतदान हुँदै छ ।
निर्वाचनमा कसले जित्ला भन्ने तर्कले भारतीय अखबारका पाना रङ्गिएका छन् । टेलिभिजनमा बिहानदेखि साँझसम्मको चर्चा पनि यही छ तर चुनाव जित्नेको तस्बिर अझै धमिलै छ्, कसैको पक्षमा सङ्लिएको देखिँदैन ।
यस्तो छ चुनाव
तालिका
पहिलो चरण : ११
अप्रिल : ९१ सिट
दोस्रो चरण : १८ अप्रिल : ९७ सिट
तेस्रो चरण : २३ अप्रिल : ११५ सिट
चौथो चरण : २८ अप्रिल : ७१ सिट
पाँचौं चरण : ६ मे : ५१ सिट
छैटौं चरण : १२ मे : ५९ सिट सातौं चरण : १९ मे : ५९ सिट
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
