पत्रकार महासंघ आन्दोलितः धर्ना बस्नेदेखि विरोधपत्र बुझाउनेसम्मका कार्यक्रम तय

होमल्याण्ड खबर

२०७६ बैशाख ४ गते, बुधबार १४:०१ मा प्रकाशित

नेपाल पत्रकार महासंघले देशभर आन्दोलन गर्ने भएको छ ।

विद्युतीय कारोबार ऐनको दफा ४७ र ४८ अन्तर्गत पत्रकारलाई पटकपटक पक्राउ गर्ने क्रम बढेकोले उक्त दफाको खारेजीको माग राख्दै आन्दोलन गर्ने भएको हो ।

पत्रकारलाई विद्युतीय कारोबार ऐन उक्त दफा अन्तर्गत पटकपटक पक्राउ गरी निर्वाध प्रेस स्वतन्त्रतामा अवरोध खडा गर्दै प्रेस स्वतन्त्रतालाई निस्तेज बनाउने काम बढेपछि आन्दोलन गर्न बाध्य भएको महासंघले जनाएको छ ।

विरोध कार्यक्रम अन्र्तगत बैशाख ५ गते विद्युतीय कारोबार ऐनको दर्फा ४७ र ४८ को खारेजी एवं पत्रकार अर्जुन गिरीसहित पक्राउ गरिएका पत्रकारको बिनाशर्त रिहाईको माग गर्दै विभिन्न सञ्चारमाध्यम र सामाजिक सञ्जालमार्फत प्रचार प्रसार गर्ने, बैशाख ५ गते विहान ९:३० देखि १०:३० बजेसम्म नेपाल पत्रकार महासंघका जिल्ला शाखामार्फत देशका सबै जिल्लामा १ घण्टा धर्ना बस्ने र महासंघ केन्द्रीय समितिले गृह मन्त्रालय र सञ्चार तथा सूचना प्रविधि मन्त्रालयमार्फत विरोधपत्र बझाउने कार्यक्रम रहेका छन्।

त्यसपछिका थप कार्यक्रम भने बिहीबार बस्ने महासंघको उपलब्ध केन्द्रीय समिति बैठकले तय गर्ने बताइएको छ ।

सम्बन्धित खबर

पोखरामा सम्पन्न नेपाल–भारत बैठकले विद्युत खरिद दर बढायो

अनधिकृत रुपमा भूमि दिलाइदिने भ्रमका पछि नलाग्न आयोगको आग्रह

समानुपातिक सांसदको नाम आइतबार निर्वाचन आयोगमा पठाउने एमालेको तयारी

स्थानीयको अवरोधले काठमाडौं उपत्यकाको फोहोर विसर्जन रोकियो

सुनको भाउ तोलामा २ हजार ८ सय रुपैयाँ घट्यो

ओलीका पिताको पशुपति आर्यघाटमा दाहसँस्कार गरिँदै, अस्पतालबाट निकालियो शव