१० मंसिर २०८१, सोमबार
२०७६ बैशाख २२ गते, आईतवार १२:१० मा प्रकाशित
धनगढी विमानस्थल एक महिनाका लागि बन्द भएको छ । धावन मार्गको स्तरोन्नतिका लागि आइतबारदेखि जेठ २१ गतेसम्म विमानस्थल बन्द हुने धनगढी विमानस्थलका प्रमुख तेजबहादुर बुढथापाले जानकारी दिए ।
त्रिभुवन विमानस्थल पछिको सबैभन्दा ठूलो धावनमार्ग रहेको धनगढी विमानस्थलको धावन मार्ग मर्मत र पार्किङ क्षेत्र विस्तार गरिने भएको छ। मर्मत कार्य आइतबारदेखि निर्माण कम्पनीले सुरु गरिसकेको छ ।
झण्डै २२ करोडको लगानीमा धनगढी विमानस्थलमा धावनमार्ग, पार्किङ क्षेत्र विस्तारलगायतको कार्य हुने प्रमुख बुढथापाले बताए ।
विमानस्थलको स्तरोन्नती गर्न लुम्बिनी, कोसी एण्ड न्यौपाने, खड्का, कोइराला जेभी काठमाडौंले १७ करोड ८८ लाखमा ठेक्का पाएको छ ।
६० मिटर चौडाई र १८ सय मिटर लम्बाईको कालोपत्रे धावनमार्ग रहेको धनगढी विमानस्थलको धावन मार्गमा थप कालोपत्रे गरिने छ भने दुबैतर्फ २ र २ मिटर धावन मार्ग फराकिलो बनाइने छ ।
अहिले ३ वटा जहाजको मात्रै पार्किङको व्यवस्था छ । अब थप एक जहाज पार्किङ गर्न मिल्ने गरी पार्किङ क्षेत्र विस्तार, दमकलको सुविधा थप, एप्रोच लाइट र अन्य लाइट थप, सञ्चार उपकरण वृद्धिलगायतका सेवा थप र विस्तारको काम हुने छ । अहिले धनगढी काठमाडौं ५ वटा जहाजले उडान भर्ने गरेका छन् ।
१० वर्षमा धावन मार्गको स्तरोन्नति गर्नुपर्ने भएपनि विगत १४ वर्षदेखि धावनमार्गको स्तरोन्नती गरिएको छैन ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
