१ चैत्र २०८२, आईतवार
२०७६ जेष्ठ ८ गते, बुधबार १०:३४ मा प्रकाशित
भोजपुरमा प्रहरी र नेत्र विक्रम चन्द ‘विप्लव’ समूहका कार्यकर्ताबीच गोली हानाहान हुँदा एक जनाको मृत्यु भएको छ । गोली लागेर गम्भीर घाईते भएका तीर्थराज घिमिरेको उपचारको क्रममा मृत्यु भएको हो ।
मंगलबार साँझ भोजपुर र खोटाङको सिमानामा पर्ने मैयुङ्गमा प्रहरीले उनीमाथि गोली चलाएको थियो । गस्तीमा रहेका बेला विप्लवा कार्यकर्ताले आफुहरुमाथि गोली चलाएकाले जवाफी कार्वाही गर्दा उनलाइ गोली लागेको प्रहरीको भनाइ छ ।
स्थानीय स्वास्थ्य संस्थामा उपचार हुन नसकेपछि उनलाई मंगलबार नै धरान लगिएको थियो ।
उनको उपचारकामा ढिलाइ भएका कारण् मृत्यु भएको भोजपुरका प्रमुख जिल्ला अधिकारी नुरहरी खतिवडाले बताए ।
खतिवडाका अनुसार भोजपुर नगरपालिकाको भैसीपंखाको आइतबारे भीर नजिकै पहिरो खसेकाले एम्बुलेन्स जान नसक्दा उपचारमा ढिलाइ हुन पुगेको थियो ।
सडक खुलाइएपछि धरान पुर्याइएका घिमिरेको बुधबार बिहान ३ बजे धरानको घोपा क्याम्पमा ज्यान गएको हो । उनको तिघ्रामा गोली लागेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
