१० मंसिर २०८१, सोमबार
२०७६ जेष्ठ १४ गते, मंगलवार ११:२९ मा प्रकाशित
नेपाल–तिब्बत जोड्ने तातोपानी नाका आजदेखि खुलेको छ ।
०७२ सालको विनाशकारी भूकम्पका कारण बन्द रहेको नाका आजदेखि पुनः सञ्चालनमा आएको हो ।
आज बिहान ४ वटा कन्टेनर ऊन ल्याउन खासा पठाएपछि नाका खुलेको हो । ती कन्टेनर भोलि बुधबार काठमाडौं आइपुग्ने जनाइएको छ ।
सोमबार बेलुका नै ती कन्टेनरको पास प्रक्रिया पूरा गरी तयारी हालतमा राखिएको थियो भने आज बिहानै चिनिया पक्षको अनुमतिमा खासाका लागि प्रवेश पाएका हुन् ।
गोरखा भूकम्पले नेपाल चीन जोड्ने मितेरी पुल भत्किएपछि तातोपानी नाका बन्द भएको थियो । अहिले पनि मितेरीपुलको निर्माण भैरहेको छ । पुल निर्माण सम्पन्न नहुँदा तत्कालका लागि अस्थायी रुपमा चल्तीमा ल्याइएको पुलमुनिको कच्ची सडकको पुल हुँदै ती कन्टेनर खासा पठाइएको छ ।
विगतमा यो नाका हुँदै सामान बोक्ने कन्टेनर र अन्य सवारी साधन गरी दैनिक १५ सय हाराहारी सवारीसाधन आवतजावत गर्थे ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
