१० मंसिर २०८१, सोमबार
२०७६ श्रावण १७ गते, शुक्रबार ११:०५ मा प्रकाशित
भारतीय विदेशमन्त्री एस जयशंकर नेपाल भ्रमणमा आउँदैछन् । नरेन्द्र मोदी नेतृत्वको सरकारमा महत्वपूर्ण जिम्मेवारी पाएका जयशंकर मन्त्री भएपछि पहिलो पटक नेपाल आउन लागेका हुन् ।
उनी अगष्ट २१ तारिखमा नेपाल आउन लागेका हुन् । दुई दिने भ्रमणका लागि जयशंकर (भदौ ४ र ५ गते) नेपाल आउन लागेका हुन् ।
दुई देशीय हितका विषयमा छलफल गर्न उनी नेपाल आउन लागेका हुन् । नेपाल र भारतबीच परराष्ट्रमन्त्री स्तरीय वार्ता हुँदै आएको छ ।
आलोपालो शैलीमा यो वार्ता हुँदै आएकामा एस जयशंकर नेपाल आउन लागेका हुन् ।
यो वार्तामा नियमित प्रक्रियाका साथै बाढीडुवानको समस्या लगायतका विषयमा पनि समाधानको बाटो निकाल्न सकिने बुझिएको छ ।
जयशंकरको भ्रमणका क्रममा भारतीय राष्ट्रपति रामनाथ कोविन्दको नेपाल भ्रमणका बारेमा पनि कुराकानी हुनेछ । भारतीय राष्ट्रपति निकट भविष्यमै नेपाल आउँदै छन् ।
जयशंकर यसअघि नै नेपाल आउने कार्यक्रम रहेको थियो । तर भारतमा संसद बैठक चलिरहँदा अनिवार्य सहभागीता जनाउनु पर्ने भएकाले नेपाल भ्रमणमा केही समय ढिलाइ हुन गएको भारतीय पक्षले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
