८ मंसिर २०८१, शनिबार
२०७४ आश्विन २८ गते, शनिबार ०८:३३ मा प्रकाशित
२८ असोज, काठमाडौं । प्रधानमन्त्री शेरबहादुर देउवाले शुक्रबार गरेको सरकार विस्तारबारे छलफल गर्न निर्वाचन आयोगका पदाधिकारी र सचिवसमेतको टोली शीतलनिवास पुगेको छ ।
सरकार विस्तार आचारसंहिता विपरीत भएको भन्दै राष्ट्रपति कार्यालयले सपथ ग्रहणको समय सरकारलाई उपलब्ध गराएको छैन । र, यसबारेमा राष्ट्रपतिले आयोगको धारणा बुझेपछि निर्णय लिने बताइएको छ ।
सरकार विस्तार कार्यलाई निर्वाचन आयोगले आचारसंहिता विपरीत कार्य बताउँदै आएको छ ।
तर, सपथग्रहण कार्यक्रम नै रोक्ने या नरोक्ने भन्नेबारेमा आयोगले कुनै निर्णय दिन सकेको छैन ।
यसैवीच शीतलनिवास जानूपूर्व निर्वाचन आयोगमा प्रमुख आयुक्त र आयुक्तहरुले आन्तरिक छलफल गरेका थिए । सो छलफलपछि आयोगकमा पदाधिकारीहरु शीतलनिवास गएका हुन् ।
कमल थापा लगायत राप्रपा नेताहरुको सपथ ग्रहण रोक्न आयोगले सल्लाह दिन्छ या सपथ ग्रहणका लागि बाटो खोलिदिन्छ भन्नेबारे सर्वत्र चासोका साथ हेरिएको छ ।
राष्ट्रपतिसँगको छलफल सकिएपछि आयोगले आफ्नो धारणा सार्वजनिक गर्ने बताइएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
