१० मंसिर २०८१, सोमबार
२०७६ पुष २२ गते, मंगलवार १०:२७ मा प्रकाशित
अमेरिकी रक्षामन्त्री मार्क इस्परले इराकबाट अमेरिकी सेना फिर्ता गर्ने कुरा अस्वीकार गरेका छन् ।
इराकस्थित अमेरिकी सेनाका कमान्डरले इराकी रक्षा मन्त्रालयलाई पठाएको भनिएको पत्रले अन्योलको अवस्था उत्पन्न भए पनि सेना फिर्ता गर्ने कुरा अस्वीकार गरेका हुन् ।
इराकी सांसदहरुले अमेरिकीलगायत विदेशी सेना फिर्ताको कुरा गरेपछि अमेरिकी रक्षामन्त्रीले सो कुरा बताएका छन् । तर, इराकस्थित अमेरिकाका ब्रिगेडियर जनरल विलियम एच सेलीले इराकी रक्षा मन्त्रालयलाई पठाएको पत्रमा भने त्यहाँबाट अमेरिकी सेना फिर्ता हुने संकेत गरिएको छ ।
तर, सो पत्र आधिकारिक हो वा होइन भन्ने प्रष्ट भएको छैन । इराकीहरुले नै भ्रम फैलाउन त्यस्तो पत्र सार्वजनिक गरेको हुन सक्ने अनुमान पनि गरिएको छ ।अमेरिकी रक्षामन्त्रीले भने सेना फिर्ता गर्ने बारेमा निर्णय नभएको जनाएका छन् ।
अमेरिकी आक्रमणमा इरानका सैन्य कमान्डर कासिम सोलेमानीको मृत्यु भएपछि अमेरिकालाई अहिले इराक छोड्न दबाब बढेको छ । गएको आइतबार मात्रै इराकी संसदले प्रस्ताव पास गरेर विदेशी सेना पठाउने भनेको थियो ।
उता अमेरिकी सेनाको ज्वाइन्ट चिफ अफ स्टाफका प्रमुख मार्क मिलेले सो पत्रमा त्रुटि भएको जनाएका छन् । सो पत्रमा हस्ताक्षर पनि नभएको र इराकीले नै पठाएको हुन सक्ने अनुमान गरेका छन् । उनले अमेरिकी सेनाले इराक नछोड्ने बताएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
