११ जेष्ठ २०८३, सोमबार
२०७६ फाल्गुन २२ गते, बिहीबार ०९:३६ मा प्रकाशित
आरुघाट गाउँपालिका–१ धोर्चेमा बुधबारराति जीप पल्टिँदा एक जनाको मृत्यु भएको छ भने चालक सहित ७ जना भने घाइते भएका छन् ।
मृत्यु हुनेमा जीपमा सवार धार्चे गाउँपालिका–६ का वडासचिव लम्जुङका किरण रिमाल रहेको प्रहरीले जनाएको छ ।
आरुघाट मान्बुबाट काशीगाउँतर्फ जाँदै गरेको ग १ ज ५५०५ नम्बरको जीप उकालोमा चढ्न नसकेर ब्याक भई सडकबाट करिब २ सय मीटर तल खस्दा उनको घटनास्थलमै मृत्यु भएको हो ।
दुर्घटनामा सो गाउँपालिकाका उपाध्यक्ष फुलमाया गुरुङसहित सोही गाउँपालिकाका कर्मचारी घनबहादुर गुरुङ, निशा गुरुङ, शर्मिला गुरुङ, क्याराम्यान केयरसिंह गुरुङ, फेज नेपाल नामक संस्थाका कर्मचारी सरोज गुरुङ र जिपका चालक करौजाका बालचन्द्र गुरुङ गम्भीर घाइते भएको प्रहरीले जनाएको छ ।
दुर्घटनामा घाइते भएका सातै जनालाई उपचारको लागि धुन्चेतमा रहेको फेस नेपाल सामुदायिक स्वास्थ्य क्लिनिक पठाइएको प्रहरीले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
