११ जेष्ठ २०८३, सोमबार
२०७६ चैत्र १४ गते, शुक्रबार १०:५१ मा प्रकाशित
कोरोना सङ्क्रमणको आशङ्कमा काठमाडाैंको दुई वटा र ललितपुरको एउटा अस्पतालमा १७ जनाको उपचार भइरहेको छ ।
काठमाडाैको कान्ति बाल अस्पतालमा ९ जना तथा शुक्रराज ट्रपिकल तथा सरुवा रोग अस्पताल टेकु र ललितपुरको लगनखेलमा रहेको पाटन अस्पतालमा चार/चार जना गरी १७ जनाको आइसोलेशनमा राखेर उपचार भइरहेको स्वास्थ्य तथा जनसङ्ख्या मन्त्रालयले जनाएको छ ।
टेकु अस्पतालमा उपचार गराइरहेका एक जनालाई भने डिस्चार्ज गरिएको छ । कोराना पुष्टि भएका दुई जनाको टेकुमा रहेको शुक्रराज ट्रपिकल तथा सरुवा रोग अस्पतालको आइसोलेशनमा राखेर उपचार भइरहेको छ । उनीहरूको अवस्था सामान्य रहेको मन्त्रालयले जनाएको छ ।
अहिले देशभरका अरु अस्पतालमा रुघाखोकी र ज्वरो आएका बिरामी पनि दिनहुँ पुग्ने गरेका छन् । उनीहरूमध्ये १० जनालाई कोरोनाको आशङ्का गरिएको र नमूना परीक्षणको लागि टेकुमा रहेको प्रयोगशालामा पठाइएको मन्त्रालयले जनाएको छ । उनीहरुको रिपोर्ट आउँन बाँकी छ ।
अहिलेसम्म नेपालमा कोरोना परीक्षण गरिएका सात सय ५८ जनामध्ये तीन जनामा कोरोना पुष्टि भएको छ । एक जना निको भइसकेका छन् भने अरु दुई जनाको उपचार भइरहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
