११ जेष्ठ २०८३, सोमबार
२०७७ श्रावण १९ गते, सोमबार ०८:३६ मा प्रकाशित
काठमाडौँ । सिन्धुपाल्चोकको मेलम्ची नगरपालिका–११ मा पहिरोमा पुरिएर ८ जना वेपत्ता भएका छन् । एकजनालाई भने जिवितै उद्धार गरिएको प्रहरीले जनाएको छ ।
आइताबार राति करिब दुई बजे खसेको पहिरोले कभर्ड हल निर्माणमा खटिएका कामदारहरु पुरिएको इलाका प्रहरी कार्यलय मेलम्चीले जनाएको छ । पहिरो खसेको करिब एक घण्टापछि पुगेको प्रहरीको टोलीले राति देखि नै उद्धार कार्य जारी राखेको छ । तीन घण्टाको प्रयासमा बिहान करिब ६ बजे एक जना भारतीय नागरिकलाई पहिरोस्थलबाट जीवितै उद्धार गरी प्रारम्भिक उपचारका लागि प्राथमिक स्वास्थ्य केन्द्रमा पठाइएको जिल्ला प्रहरी कार्यालय सिन्धुपाल्चोकका एसपी प्रज्ज्वल महर्जनले जानकारी दिए ।
पहिरोमा पुरिएका अन्य आठ जनाको उद्धार कार्य जारी रहेको छ । उद्धारमा नेपाली सेना, प्रहरी र स्थानीय खटिएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
