१० जेष्ठ २०८३, आईतवार
२०७७ भाद्र ८ गते, सोमबार १७:१९ मा प्रकाशित
काठमाडौँ । काठमाडौँ उपत्यका नगरपालिका फोरमले भदौ १५ गतेसम्मका लागि स्थानीय तह र वडा कार्यालयले दिने अत्यावश्यक बाहेकका सेवा बन्द गर्ने निर्णय गरेको छ ।
उपत्याकामा कोरोना संक्रमितको संख्या बढ्दै गएकाले भदौ १५ गतेसम्म सेवा बन्द गर्ने निर्णय भएको फोरमका अध्यक्ष तथा काठमाडौं महानगरपालिकाका मेयर विद्यासुन्दर शाक्यले जानकारी दिए ।
कोरोना संक्रमितको दर बढेपछि काठमाडौँ उपत्यकाका तीन वटै जिल्ला काठमाडौँ,भक्तपुर र ललितपुरमा भदौ ३ गते मध्यरातिदेखि भदौ १० गतेसम्म निषेधाज्ञा जारी गरेको छ ।
निषेधाज्ञा जारी भएको आज पाँचौ दिन पनि सडक सुनसान देखिएको छ । निषेधाज्ञाका कारण काठमाडौंको जनजीवन ठप्प रहेको छ । निषेधाज्ञा लागू गराउन ठाउँठाउँमा सुरक्षाकर्मी तैनाथ छन् । सडकमा तैनाथ प्रहरी लकडाउनमा भन्दा कडाइका साथ प्रस्तुत भएका छन् ।
सडकमा अत्यावश्यक बाहेकका सवारीसाधनलाई गुड्न दिइएको छैन । सडकमा एम्बुलेन्स, खाद्यान्न खानेपानी, विद्युत, सञ्चार, तरकारी तथा फलफुल बोकेका सवारी साधन निर्वाध रुपमा सञ्चालनमा रहेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
