रातो मछिन्द्रनाथको रथयात्रा आज हुँदै,दिउँसो तीन बजे शुभ साइत

होमल्याण्ड खबर

२०७७ भाद्र २१ गते, आईतवार १०:२१ मा प्रकाशित

काठमाडौँ । रातो मछिन्द्रनाथको रथयात्रा आज हुने भएको छ । आज दिँउसो तीन बजे रथयात्राका लागि साइत जुरेको ज्यापु समाजका वरिष्ठ उपाध्यक्ष सन्तराम महर्जनले बताए ।

रथलाई सामाजिक दूरी कायम गरेर तानिने भएको उनले बताए । आज बेलुका कोरोना भाइरसबाट जोगिने ‘डब्लुएचओ’ को सम्पूर्ण निर्देशनको पालना गर्दै पुल्चोकमा रहेको रथलाई झण्डै ३० मिटर परसम्म लैजान लागिएको महर्जनले बताए ।

महर्जनले भने रथयात्रामा बढीमा १२० जना जति सहभागी हुने जानकारी दिए । ज्यापु समाजले स्थानीयहरुलाई यो वर्ष महामारीको कारण जात्रामा सहभागी नहुन अनुरोध गरेको छ । उनका अनुसार रथ तान्नेहरुलाई पञ्जा, माक्स,स्यानिटाइजर अनिवार्य गरिएको छ । रथ तान्दा सामाजिक दूरी कायम गरिने उनले बताए ।

अवस्था सामान्य हुँदा पाटन शहर पूरै घुमाइन्थ्यो तर यो वर्ष रथ जिर्ण रहेको र कोरोना भाइरस महामारी रहेको हुनाले पुल्चोकको सोह्रखुट्टे पाटीबाट बढीमा ३० मिटर अगाडि लगेर जात्रा बिसर्जन गरिन लागेको हो ।

जात्रालाई बिसर्जन गरेपछि रथलाई बुंगमति लैजाने चलन छ । रातो मछिन्द्रनाथलाई बुंगमति लैजाने साइत जोशी ज्यूले हेरेपछि २६ गतेसम्म बुंगमति पु¥याउने योजनामा समाज रहेको महर्जनले बताए ।

सम्बन्धित खबर

याक पालनका लागि सङ्गठित प्रयास आवश्यक छ: कृषि मन्त्री अधिकारी

निषेधित क्षेत्र तोड्ने राप्रपा नेताहरूको प्रयास, प्रहरीले गर्‍यो माइकिङ

निषेधित क्षेत्र तोड्न दिँदैनौं – एआईजी तामाङ

शिक्षक महासंघद्वारा संस्थागत विद्यालयसमेत बन्द गरी आन्दोलनमा आउन आग्रह

धवलशमशेरलाई रिहा गर्ने तयारी

शिक्षक महासंघका प्रतिनिधिले प्रधानमन्त्री ओलीलाई साँझ भेट्दै