१० मंसिर २०८१, सोमबार
२०७५ जेष्ठ ११ गते, शुक्रबार ०९:४६ मा प्रकाशित
बुद्ध एयरले यहि जेठ १८ गते बाट दैनिक विराटनगर – काठमाण्डौ बिहानी उडान गर्ने भएको छ ।
विराटनगरबाट बिहानै ७ बजे काठमाडौंका लागि जहाजले उडान भर्नेछ । जहाज ७ः४० बजे काठमाडौंमा अवतरण गर्नेछ । यसैगरि काठमाडौंबाट साँझ ६ बजे विराटनगरको उडान पनि थपिएको छ । सो जहाज बेलुका विराटनगरमै बस्ने कम्पनीले प्रेस विज्ञप्तिमा जनाएको छ ।
विराटनगरमा रात्रि विश्रामले आर्थिक हिसाबले कम्पनीलाई थप व्ययभार पर्ने निश्चित छ । यसो गर्दा यात्रुहरुलाई समयमा नै गन्तव्यमा पुग्न सजिलो हुने कम्पनीले बिश्वास लिएको छ । विहान १० बजेदेखि ५ बजेसम्म काठमाडौं त्रिभुवन विमानस्थलमा अत्यधिक उडानहरुको चापले गर्दा प्रायः विभिन्न घरेलु उडानहरु विलम्व हुने गरेको छ । साँझ ६ बजेको उडान थपिनुको मुख्य कारण पनि यही नै हो ।
यस उडानबाट कामकाजीहरुलाई एक दिनमै काठमाण्डौमा आफ्नो काम सकेर बेलुका विराटनगर फर्किन सहज हुने कम्पनीको विश्वास छ ।यसअघिका उडानहरु काठमाडौंबाट उडान भरि फेरि काठमाडौं नै फर्किने गरेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
