१० मंसिर २०८१, सोमबार
२०७७ आश्विन २८ गते, बुधबार ११:०३ मा प्रकाशित
एजेन्सी । क्रिस्टियानो रोनाल्डोलाई कोरोना भाइरस संक्रमण पुष्टि भएको छ । मंगलबार पोर्चुगलले विज्ञप्ति जारी गर्दै ३५ वर्षीय रोनाल्डोलाई कोरोना पोजिटिभ देखिएको जनाएको छ । विज्ञप्तिमा रोनाल्डोलाई कुनै लक्षण नदेखिएको जनाइएको छ । र, उनी आइसोलेशनमा रहेको पनि जनाइएको छ । हाल उनको स्वास्थ्य अवस्था सामान्य रहेको पनि विज्ञप्तिमा जनाएको छ ।
यूईएफए नेसन्स लिगका लागि पोर्चुगिज टिममा रहेका रोनाल्डोलाई कोरोना पुष्टि भएको हो । कोरोना पोजिटिभ देखिएपछि रोनाल्डो नेसन्स लिग खेल्ने पोर्चुगलको टोलीबाट समेत बाहिरिएका छन् । पोर्चुगलले बुधबार राति स्वीडेनसँग खेल्दैछ । पोर्चुगलले आइतबार फ्रान्ससँग गोलरहित बराबरी खेलेको थियो । नेसन्स लिगमा पोर्चुगल आफ्नो समुहको शिर्ष स्थानमा रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
