८ जेष्ठ २०८३, शुक्रबार
२०७७ मंसिर ५ गते, शुक्रबार १४:४७ मा प्रकाशित
पोखराः कोरोना भाइरस संक्रमणबाट पोखरामा एकैदिन ७ जनाको मृत्यु भएको छ । कास्कीको पोखरा महानगरपालिकाका ६ जना पुरुष र तनहुँका एकजना पुरुषको मृत्यु भएको हो ।
पोखरा महानगरपालिका ८, कास्कीका ५४ वर्षीय पुरुषको शुक्रबार विहान गण्डकी मेडिकल कलेजमा मृत्यु भएको छ । उनलाई कात्तिक २७ गते कोरोना संक्रमण पुष्टि भएको थियो । मिर्गौलासम्बन्धी रोगबाट पीडित उनलाई निमोनिया समेत भएको थियो ।
पोखरा महानगरपालिका ९, कास्कीका ६८ वर्षीय पुरुषको बिहीबार राति पोखरा स्वास्थ्य विज्ञान प्रतिष्ठानमा मृत्यु भएको छ । निमोनिया भएर अस्पताल गएका उनलाई मंसिर ४ गते कोरोना संक्रमण पुष्टि भएको थियो ।
पोखरा महानगरपालिका–१३, कास्कीका ५५ वर्षीय पुरुषको शुक्रबार विहान पोखरा स्वास्थ्य विज्ञान प्रतिष्ठानमा मृत्यु भएको छ ।उनलाई शुक्रबार नै कोरोना संक्रमण पुष्टि भएको थियो । मिर्गौलासम्बन्धी समस्या भएका उनलाई निमोनिया भएको थियो ।
पोखरा महानगरपालिका –१७, कास्कीका २९ वर्षीय पुरुषको शुक्रबार मध्याह्न पोखरा स्वास्थ्य विज्ञान प्रतिष्ठानमा मृत्यु भएको छ । निमोनिया भएर अस्पताल गएका उनलाई मंसिर ५ गते कोरोना संक्रमण पुष्टि भएको थियो ।
पोखरा महानगरपालिका–२१, कास्कीका ७५ वर्षीय पुरुषको बिहीबार राति पोखरा स्वास्थ्य विज्ञान प्रतिष्ठानमा मृत्यु भएको छ । निमोनिया भएर अस्पताल गएका उनलाई मंसिर ४ गते कोरोना संक्रमण पुष्टि भएको थियो ।
पोखरा महानगरपालिका–२७, कास्कीका ७१ वर्षीय पुरुषको बिहीबार राति गण्डकी मेडिकल कलेजमा मृत्यु भएको छ । श्वासप्रश्वासमा समस्या आउनुका साथै निमोनिया भएका उनलाई कात्तिक २९ गते कोरोना संक्रमण पुष्टि भएको थियो ।
यस्तै म्याग्दे गाउँपालिका–४, तनहुँका ५१ वर्षीय पुरुषको शुक्रबार विहान मृत्यु भएको छ । मंसिर ३ गते कोरोना संक्रमण देखिएको उनको गण्डकी मेडिकल कलेजमा उपचारका क्रममा मृत्यु भएको हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
