८ जेष्ठ २०८३, शुक्रबार
२०७७ मंसिर ८ गते, सोमबार १३:२२ मा प्रकाशित
नेपाल कम्युनिष्ट पार्टी ’नेकपा’का अध्यक्ष पुष्पकमल दाहाल प्रचण्ड र चीनकी राजदूत होउ यान्छीबीच भेटघाट भएको छ । ’नेकपा’ भित्रको विवाद उत्कर्षमा पुगेका बेला चीनकी राजदूत होउ यान्छीले नेकपा अध्यक्ष पुष्पकमल दाहाल ‘प्रचण्ड’ सँग भेट गरेकी हुन्। स्रोतका अनुसार प्रचण्डलाई भेटन् राजदूत यान्छी सोमबार बिहान खुमलटार पुगेकी थिइन्। उनीहरूको भेटमा के-के विषयमा कुराकानी भयो भन्ने खुलाइएको छैन। नेकपामा विवाद बढ्दै जाँदा यसअघि पनि राजदूत यान्छीले सक्रियता देखाउने गरेकी थिइन्। यसपालि पनि मंसिर २ गते साँझ राजदूत यान्छीले प्रधानमन्त्री तथा नेकपा अध्यक्ष केपी शर्मा ओलीलाई बालुवाटारमा भेटेकी थिइन्। प्रधानमन्त्री ओली र यान्छीबीच भेट भएको अर्को दिन बसेको नेकपा सचिवालय बैठकमा प्रधानमन्त्री ओलीले १० दिनको समय मागेपछि बैठक १३ गतेसम्मका लागि स्थगित भएको छ।
अध्यक्ष प्रचण्डले कात्तिक २८ गतेको सचिवालय बैठकमा पेस गरेको प्रतिवेदनको जवाफ दिन ओलीले समय मागेका हुन्। सचिवालय बैठक स्थगित भए पनि नेकपाको विवाद समाधानतिर जानुको साटो झन् बढ्दै जानेजस्तो देखिएका बेला राजदूत यान्छीले प्रचण्डलाई भेटेकी हुन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
