कामना सेवा बैंकको ऋणपत्र प्रत्याभूतीकर्ता नागरिक लगानी कोष

होमल्याण्ड खबर

२०७७ मंसिर १५ गते, सोमबार १४:४५ मा प्रकाशित

कामना सेवा विकास बैंकले ऋणपत्र निष्काशनको प्रत्याभूतकर्ता चयन गरेको छ । बैंकले नागरिक लगानी कोषलाई प्रत्याभूतकर्ता चयन गरेको हो ।

ऋणपत्र प्रत्याभूतीकर्ता सम्झौता–पत्रमा कामना सेवा विकास बैंकको तर्फबाट प्रमुख कार्यकारी अधिकृत प्रविण बस्नेत र नागरिक लगानी कोषको तर्फबाट कार्यकारी निर्देशक रमण नेपालले हस्ताक्षर गरेका छन् । सम्झौता अनुसार कामना सेवा विकास बैंकले निष्काशन गर्ने ऋणपत्र पूर्ण बिक्रि नभएमा बिक्रि नभएको ऋणपत्र नागरिक लगानी कोषले खरिद गर्ने छ ।

यसै साथ नेपाल राष्ट बैंकबाट ‘ख’ वर्गको इजाजत पत्रप्राप्त बैंकहरुमा कामना सेवा ऋणपत्र निष्काशन गर्ने पहिलो विकास बैंक बनेको छ भने नागरिक लगानी कोषले ऋणपत्र प्रत्याभुूती गरेको पनि यो प्रथम पटक हो ।

बैंकले ऋणपत्र निष्काशनको अनुमति माग गर्दै नेपाल धितोपत्र बोर्डमा अवेदन दिइसकेको छ । बैंकले कार्तिक १४ गते बोर्डमा आवेदन दिएको हो । बैंकले १ हजार अंकित दरका १० लाख  कित्ता बराबरको १ अर्ब रकम बराबरको ऋणपत्र निष्काशनको लागि अनुमति माग गरेको हो । जस मध्ये ४० करोड बराबरको ऋणपत्र सर्बसाधारणको लागि निष्काशन हुने छ भने ६० करोड बराबरको ऋणपत्र प्राइभेट प्लेसमेन्ट अन्तर्गत निजि तवरबाट बिक्रि हुने छ । १० वर्षे अवधिको यस ऋणपत्रमा बैंकले ९।५ प्रतिशत ब्याज प्रदान गर्ने जनाएको छ । ऋणपत्र निष्काशनको लागि बैंकले एनआईबिएल एस क्यापिटल बिक्रि प्रबन्धक चयन गरेको छ ।  धितोपत्र बोर्डले अनुमति दिएपछि बैंकले ऋणपत्र निष्काशन गर्ने छ।

सम्बन्धित खबर

सभामुख घिमिरेद्वारा कम्बोडियन समकक्षीसँग भेट

सिनामंगलको होटलमा युवायुवती झुण्डिएको अवस्थामा मृत भेटिए

सुनको भाउ बढ्यो, तोलाको कति ?

धरहरा चढ्दा आजबाट शुल्क लाग्ने

रवि लामिछानेलाई अदालत उपस्थित गराइयो

कमजोरी सच्याउन एमाले तयार छ : शङ्कर पोखरेल