१० मंसिर २०८१, सोमबार
२०७५ जेष्ठ २२ गते, मंगलवार १०:११ मा प्रकाशित
एसिया प्रशान्त क्षेत्रीय प्रारम्भिक बालविकास सम्मेलन तथा तेस्रो एसिया प्रशान्त क्षेत्रीय नीति मञ्चको बैठक काठमाडौंमा सुरु भएको छ । मंगलबार प्रधानमन्त्री केपी शर्मा ओलीले सम्मेलनको उद्घाटन गर्नुभएको हो ।
सम्मेलनको उद्घाटन गर्दै प्रधानमन्त्री ओलीले प्रारम्भिक बालविकासलाई नेपाल सरकारले उच्च प्राथमिकता दिएको स्पष्ट पारे। उनले बालबालिकाहरुलाई गुणस्तरीय शिक्षा दिन पनि नेपाल सरकार प्रतिवद्ध रहेको उल्लेख गर्नुभयो ।
प्रधानमन्त्री ओलीले प्रारम्भिक बालविकासको माध्यमबाट ‘सुखी नेपाली, समृद्ध नेपाल’ बनाउने नेपाल सरकारको योजना रहेको बताउनु भयो । उनले सरकारले बालबालिकाहरुको उचित शिक्षालाई ध्यानमा राखेर विद्यालय भर्ना अभियानलाई चरणवद्ध रुपमा अघि बढाएको पनि स्मरण गराउनु भएको थियो ।
एसिया प्रशान्त क्षेत्रका प्रारम्भिक बालबालिकाहरुको स्वास्थ्य, पोषण, शिक्षा र सुरक्षाजस्ता विषयमा गुणस्तरीय सुधार ल्याउने उद्देश्यका साथ सरकारको अगुवाईमा सम्मेलन आयोजना गरिएको शिक्षा, विज्ञान तथा प्रविधि मन्त्री गिरिराजमणि पोखरेलले जानकारी दिनुभयो ।
३ दिनसम्म चल्ने सम्मेलनमा एसिया प्रशान्त क्षेत्रमा बालविकासका क्षेत्रमा कार्यरत नीति निर्माताहरु, उच्च पदाधिकारीहरु, विकास नियोगका प्रतिनिधिहरुसहित करिब ७ सय जनाको सहभागिता रहेको छ । सम्मेलनले एसिया प्रशान्त क्षेत्रको बाल स्याहार तथा उनीहरुको शिक्षाको गुणस्तर वृद्धिका लागि ठोस धारणा बनाउने अपेक्षा गरिएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
