८ जेष्ठ २०८३, शुक्रबार
२०७७ मंसिर २५ गते, बिहीबार १२:०४ मा प्रकाशित
काेराेना भाइरसकाे संक्रमणपछि भएकाे लकडाउनका कारण बन्द भएकाे जावलाखेलस्थित सदर चिडियाखा आजबाट अवलाेकनका लागि खुला हुने भएकाे छ ।
कोभिड–१९ सङ्कट व्यवस्थापन केन्द्र (सिसिएमसी) को निर्णयपछि स्वास्थ्य सुरक्षाका आवश्यक मापदण्ड पालना गरी चिडियाखाना खुला गरिने भएकाे हाे । चिडियाखाना अवलोकनका लागि अनलाइनमार्फत पनि टिकट लिन सकिने छ भने प्रवेश गर्दा मास्क अनिवार्य गरिएकाे छ । प्रवेश द्वारमा सेनिटाइजर राखिएकाे चिडियाखानाले जनाएकाे छ ।
काेराेना संक्रमणकाे अवस्थालाई मध्यनजर गरी एकपटकमा बढीमा ८ सय जनाले मात्र प्रवेश पाउने छन् । त्यसपछि भित्रका मानिस बाहिरिएपछि मात्रै अन्य व्यक्तिले प्रवेश पाउने बताइएकाे छ ।
चिडियाखाना अवलाेकनका लागि बिहान १० बजेदेखि साँझ ५ बजेसम्मकाे समय ताेकिएकाे छ । तर भित्र प्रवेश गरेकाे व्यक्ति डेढ घन्टाभित्र अवलाेकन गरेर फर्किनुपर्ने छ ।
विदेशी नागरिकका लागि ७ सय ५० रुपैयाँ, सार्क राष्ट्रका व्यक्तिका लागि ५ सय, नेपालीलाई १ सय ५० तथा विद्यार्थी तथा ज्येष्ठ नागरिकका लागि ९० रुपैयाँ शुल्क निर्धारण गरिएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
