८ जेष्ठ २०८३, शुक्रबार
२०७७ माघ ७ गते, बुधबार १५:०२ मा प्रकाशित
भारतले नेपाललाई १० लाख डोज कोरोना भाइरसविरुद्धको खोप उपलब्ध गराउने भएको छ ।
बुधबार भारतले दिने खोपबारे थप जानकारी दिन स्वास्थ्यमन्त्री हृदयेश त्रिपाठी तथा भारतीय राजदूत विनयमोहन क्वात्राले मन्त्रालयमा संयुक्त पत्रकार सम्मेलन आयोजना गरेका थिए ।
उक्त सम्मेलनमा स्वास्थ्यमन्त्री त्रिपाठीले भारतले १० लाख डोज कोरोना खोप अनुदानमा उपलब्ध गराउने बताएका हुन् ।
भारतले उपलब्ध गराएको खोप बिहीबार नै काठमाडौं आइपुग्ने उनले जानकारी दिएका छन् ।
भारतले सिरम इन्स्टिच्युट अफ इन्डिया (एसआईआई) ले अक्सफोर्ड विश्वविद्यालय र बेलायती औषधि निर्माता कम्पनी एस्ट्राजेनेकासँग मिलेर विकास गरेको कोभिसिल्ड नेपाललाई अनुदानमा उपलब्ध गराएको हो ।
भारतको विदेश मन्त्रालयले मंगलबार एक विज्ञप्ति जारी गरी नेपालसहित भुटान, माल्दिभ्स, बंगलादेश, म्यानमारलगायतका राष्ट्रहरुलाई आजदेखि कोरोनाविरुद्धको खोप उपलब्ध गराउने जनाएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
