अब एउटा डिभाइसबाट एक पटकमात्रै सवारी लाइसेन्स आवेदन दिन पाइने

होमल्याण्ड खबर

२०७७ माघ १३ गते, मंगलवार १४:०३ मा प्रकाशित

सवारी चालकको अनुमतिपत्र (ड्राइभिङ लाइसेन्स) का लागि अब एउटा डिभाइसबाट एक पटकमात्रै आवेदन दिन पाइने भएको छ । अनलाइन आवेदनमा विचौलियाको बिगबिगीलाई अन्त्य गर्न यातायात व्यवस्था विभागले नयाँ व्यवस्था ल्याएकाे हाे ।विचौलियाले ग्राहकबाट पैसा उठाएर एकैपटक धेरै फर्म अपलोड गर्नेहुँदा साधारण सेवाग्राहीले अनलाइन आवेदन दिने प्रयास गर्दा समस्या आएको भन्दै विभागले नयाँ व्यवस्था ल्याएकाे हाे ।

विभागका अनुसार यो नीति लागू भएसँगै अब एक दिनमा एउटा कम्प्युटर, ल्यापटप अथवा मोबाइलबाट एक पटकमात्रै लाइसेन्सको आवेदन दिन सकिने छ ।यदि कुनै डिभाइसबाट एकभन्दा बढी आवेदनका लागि प्रयास गरेको खण्डमा ‘युज अनोदर मेसिन’ भन्दै नोटिफिकेसन देखाउँछ । विभागका सूचना अधिकारी डा. लोकनाथ भुसालका अनुसार हाल लकडाउनका कारण लाइसेन्स लिन नपाएका ९ लाख बढी सेवाग्राहीहरु लाइसेन्सको अनलाइन आवेदन दिने तयारीमा रहेको अनुमान छ । पछिल्लो समय ठूलो संख्यामा सेवाग्राहीहरुले लाइसेन्सको आवेदन दिइसकेकोले सर्भरमा विस्तारै चाप कम हुँदै जाने उनले जानकारी दिए ।

सम्बन्धित खबर

लिग २ : अमेरिका विरुद्ध टस हारेर ब्याटिङ गर्दै नेपाल

अघि बढ्यो संघीय निजामती विधेयकको मस्यौदा

बाजुरामा गर्भवतीको हेलिकप्टरमार्फत उद्धार

प्रधानमन्त्रीले कर्तव्य पूरा गर्न सक्नुहुन्न भने मार्ग प्रशस्त गर्दा राम्रो : हर्क साम्पाङ

कृषि क्षेत्रमा बजेट बढ्दो, उत्पादन घट्दो

प्रतिनिधिसभा बैठक : प्रधानमन्त्री वालेन्द्र शाहको तर्फबाट प्रस्ताव पेश हुँदै