८ जेष्ठ २०८३, शुक्रबार
२०७७ माघ १४ गते, बुधबार ११:५९ मा प्रकाशित
राष्ट्रपति विद्यादेवी भण्डारीले विश्वमा कोभिड–१९ को खोप लगाउन प्रारम्भ भएको डेढ महिना भित्रै नेपालले पनि खोप अभियान सुरु भएकोमा हर्षित रहेको बताइकी छन् ।
कोभिड–१९ विरुद्धको खोप अभियानको शुभारम्भ कार्यक्रममा सन्देश पठाउँदै उनले विश्वभर फैलिएको महामारीका कारणा लाखौँले ज्यान गुमाएको र करौडौँ प्रभावित रहेको र यसबाट नेपाल पनि अछुतो रहन नसकेको उल्लेख गरिन् ।
उनले उनले कोभिड महामारीमा अग्रपंतिमा रहेका काम गर्ने स्वास्थ्यकर्मी, सुरक्षाकर्मी र सरसफाइकर्मी लगायतलाई धन्यवाद दिँदै यस अवस्थामा साथ दिने सम्पूर्णप्रति आभार व्यक्त गरेकी छन् ।
महामारीको नियन्त्रणमा लिन वैज्ञानिकहरुले गरेको अनुसन्धान तथा खोप उत्पादनबाट विश्वमा नै नयाँ आशा पलाएको सन्देशमा उल्लेख गरिएको छ । साथै राष्ट्रपति भण्डारीले खोपको अनुसन्धान गर्ने र विकास गर्ने सम्पूर्ण वैज्ञानिकहरुलाई नेपालको तर्फबाट धन्यवाद समेत दिएकी छन् ।
सरकारले खोप लगाउन आवश्यक नागरिकलाई चरणबद्ध रुपमा निःशुल्क उपलब्ध गराउने सन्देशमा उल्लेख छ ।
राष्ट्रपति भण्डारीले खोप लगाईसकेपनि मास्क लगाउन, सामाजिक दुरी कायम गर्न तथा बेला बेला साबुनपानीले हात धुन अनुरोध गरेकीछन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
