३० कार्तिक २०८१, शुक्रबार
२०७५ असार ५ गते, मंगलवार ०६:२६ मा प्रकाशित
पार्टीको विधान संशोधन, आगामी महाधिवेशन, संगठन निर्माण र वर्तमान राजनीतिक विषयमा छलफल गर्न काङ्ग्रेस जिल्ला सभापतिहरुको भेला मकवानपुरको हेटौंडामा सुरु हुँदैछ । पार्टी सभापति शेरबहादुर देउवाले मंगलबार ११ बजेपछि उद्घाटन गर्ने भेला तीन दिनसम्म चल्ने काङ्ग्रेस प्रवक्ता विश्वप्रकाश शर्माले जानकारी दिएका छन ।
गुट–उपगुट र आन्तरिक किचलोमा रुमल्लिएको काङ्ग्रेस सभापतिहरुको भेलाले पार्टीलाई एकढिक्का बनाउन सहयोग गर्ने नेताहरुले दावी गरेका छन् । यद्यपी यो भेलामा गत निर्वाचनमा पार्टीले बेहोरेको हारको जिम्मेवारी सभापति शेरबहादुर देउवाले नलिएकाले उनलाई जिम्मेवारी लिन दवाव दिने र त्यसो गर्दा पनि नभए सबै जिल्ला सभापतिहरुले जिम्मेवारी लिएको घोषणा गर्ने तयारी समेत गरेका छन् ।
पार्टी संगठनमा कमजोर देखिदै आएका देउवा र पछिल्लो समय आफ्नो समुहको गतिविधि सक्रिय बनाउँदै आएको पौडेलपक्षबीच विवाद देखिने भएपछि पार्टी केन्द्रले नै सवै सभापतिहरुलाई विधानमा गर्नुपर्ने संशोधन वा परिमार्जन, संगठन सुदृढिकरण रणनीति, स्थानीय, प्रदेश र संघीय तहमा पार्टीको भुमिका, प्रतिपक्षको रुपमा पार्टीले खेल्नुपर्ने भूमिकालगायतका विषयमा केन्द्रीत रहेर छलफल गर्न सात बुँदे सर्कुलर जारी गरेको बताइएको छ ।
भेलामा ७७ वटै जिल्लाका सभापति र केन्द्रीय कार्यसमितिका सदस्य गरी ३ सय जनाको सहभागिता रहने जनाईएको छ । भेलाको पहिलो दिन सभापति शेरबहादुर देउवा र बरिष्ठ नेता रामचन्द्र पौडेलले मात्रै सम्बोधन गर्ने कार्यक्रम रहेको छ । उद्घाटनसत्र लगत्तै मंगलबारबाटै बन्द सत्र सुरु हुने प्रवक्ता शर्माले जानकारी दिए छलफलमा जिल्ला सभापतिहरुले केन्द्रीय कार्यालयले पठाएको सर्कुलरको आधारमा जिल्लामा भएका रिपोर्टिङ अवगत गराउने छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
