१० मंसिर २०८१, सोमबार
२०७७ फाल्गुन ९ गते, आईतवार ११:२७ मा प्रकाशित
इंग्लिस प्रिमियर लिग फुटबलमा चेल्सी र साउथ ह्याम्पटनले बराबरी खेलेका छन् । शनिबार राति भएको खेलमा दुबै टोलीले १–१ गोलको बराबरी खेल्दै अंक बाँडेका छन् ।
चेल्सीका लागि मासन माउन्ट र साउथ ह्याम्पटनका लागि ताकुमी मिनाममिनोले एक–एक गोल गरेका थिए ।
खेलको ३३औँ मिनेटमा साउथ ह्याम्पटनका मिनामिनोले गोल गर्दै टोलीलाई सुरुवाती अग्रता दिलाएका थिए । तर दोस्रो हाफको ५४औँ मिनेटमा चेल्सीका माउन्टले पेनाल्टीमार्फत गोल फर्काउँदै खेललाई १–१ गोलको बराबरीमा ल्याए ।
त्यसपछि पनि चेल्सीले साउथ ह्याम्पटनलाई दबाबमा राखे पनि थप गोल गर्न नसक्दा अंक बाँड्न बाध्य भएको थियो ।
यो बराबरीसँगै चेल्सी २५ खेलबाट ४३ अंकका साथ चौथो स्थानमा यथावत छ । शीर्ष स्थानको म्यानचेस्टर सिटीको ५६ अंक छ । यस्तै दोस्रो स्थानको म्यानचेस्टर युनाइटेड र लेस्टर सिटीको ४६ अंक छ ।
एक खेल कम खेलेको साउथ ह्याम्पटन भने ३० अंकसहित तालिकाको १३औँ स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
