ताप्लेजुङका आगलागी प्रभावितलाई राहत र पुनर्स्थापनाको व्यवस्था मिलाउन राष्ट्रपतिको आग्रह

होमल्याण्ड खबर

२०७७ फाल्गुन १८ गते, मंगलवार १७:२२ मा प्रकाशित

राष्ट्रपति विद्यादेवी भण्डारीले ताप्लेजुङको दोभान बजारमा आगलागीबाट भएको क्षतिप्रति दुःख व्यक्त गरेकी छन् ।

राष्ट्रपति भण्डारीले आज एक वक्तव्य जारी गर्दै आगलागी प्रभावितहरुका लागि यथाशीघ्र राहत तथा पुनर्स्थापनाको पहल गर्न सरकारसँग आग्रह गरेकी छन् ।

राष्ट्रपति भण्डारीले जारी गरेको वक्तव्यमा भनिएको छ,  ‘ताप्लेजुङको दोभान बजारमा भएको आगलागीबाट चार दर्जनभन्दा बढी घरसहित ठूलो मात्रामा धनमालको क्षति भएको खबरले मलाई दुःखी तुल्याएको छ । आगलागी प्रभावितहरूका लागि यथाशीघ्र राहत तथा पुनःस्थापनाको पहल गर्न सम्बद्ध पक्षको ध्यान आकृष्ट गर्दछु । हावाहुरी र खडेरीको मौसममा हुने आगलागी जस्ता विपद्को जोखिम न्युनीकरण गर्न पूर्व तयारीका साथै आवश्यक सचेतनासहित सुरक्षित संरचना विकास गर्नुपर्ने खाँचो महसूस गरेको छु ।’

सम्बन्धित खबर

बाजुरामा गर्भवतीको हेलिकप्टरमार्फत उद्धार

प्रधानमन्त्रीले कर्तव्य पूरा गर्न सक्नुहुन्न भने मार्ग प्रशस्त गर्दा राम्रो : हर्क साम्पाङ

कृषि क्षेत्रमा बजेट बढ्दो, उत्पादन घट्दो

प्रतिनिधिसभा बैठक : प्रधानमन्त्री वालेन्द्र शाहको तर्फबाट प्रस्ताव पेश हुँदै

२० दिन बिदामा बसिन् न्यायाधीश सपना प्रधान मल्ल

कङ्गोमा इबोला संक्रमणबाट १३६ जनाको मृत्यु, प्रकोप नियन्त्रणमा चुनौती