अपर तामाकोशीबाट १५० मेगावाट विद्युत उत्पादन हुन थाल्यो

होमल्याण्ड खबर

२०७७ फाल्गुन २८ गते, शुक्रबार १३:३० मा प्रकाशित

अपर तामाकोशी जलविद्युत आयोजनाले १५० मेगावाट विद्युत उत्पादनको परीक्षण सफल भएको छ । आयोजनाएको एउटा टर्वाइनबाट सो परिमाणको विद्युत उत्पादनको परीक्षण सफल भएको हो ।

आयोजनाले फागुन पहिलो साता सो टर्वाइनबाट हुने विद्युत उत्पादनको परीक्षण गरेको थियो । यसरी परीक्षण गर्दा सफल भएको आयोजना स्रोतले जानकारी दिएको छ । कुल ४५६ मेगावाट विद्युत उत्पादन गर्ने लक्ष्यसहित निर्माण भएको सो आयोजनाको ६ वटा टर्वाइनमध्ये एउटाबाट सो परिमाणको विद्युत उत्पादन भएको स्रोतले जानकारी दियो ।

आयोजनाले ६ वटै टर्वाइनबाट परीक्षण उत्पादन सफल भएपछि उद्घाटन गर्ने लक्ष्य राखेको छ । सबै टर्वाइनको बैशाख पहिलो सातासम्ममा परीक्षण उत्पादन हुने र त्यसपछि उद्घाटन गरिने कार्यक्रम रहेको छ । ढिलोमा पनि आगामी असारदेखि अपर तामाकोशी जलविद्युत आयोजनाको विद्युत उत्पादन् सुरु भएर राष्ट्रिय प्रसारणमा जोडिने आयोजनाले जानकारी दिएको छ ।

सो आयोजनाको विद्युत वितरणको लागि प्रसारण लाइन निर्माण भइसकेको छ । त्यसैकारण उत्पादन सुरु भएदेखि नै विद्युत वितरण गर्न सकिनेछ । सुरुमा ३५ अर्ब रुपैयाँ लगानीमा निर्माण गरिने भनेको सो आयोजनाको लागत बढेर ८६ अर्ब रुपैयाँ पुगिसकेको छ । यस्तै आयोजना निर्माण हुने समय पनि बढेको छ ।

सम्बन्धित खबर

प्रतिनिधिसभाका सचिव अधिकारीले ५ महिना नपुग्दै दिए राजीनामा

सभामुख घिमिरेद्वारा कम्बोडियन समकक्षीसँग भेट

सिनामंगलको होटलमा युवायुवती झुण्डिएको अवस्थामा मृत भेटिए

सुनको भाउ बढ्यो, तोलाको कति ?

धरहरा चढ्दा आजबाट शुल्क लाग्ने

रवि लामिछानेलाई अदालत उपस्थित गराइयो