१० मंसिर २०८१, सोमबार
२०७७ चैत्र ५ गते, बिहीबार १०:४९ मा प्रकाशित
फ्रेन्च कप फुटबलमा पेरिस सेन्ट जर्मेन (पिएसजी) क्वाटरफाइनलमा प्रवेश गरेको छ । बुधबार राति भएको खेलमा लिलेलाई ३–० गोलले हराउँदै पिएसजी क्वाटरफाइनल (अन्तिम ८) मा प्रवेश गरेको हो ।
पिएसजीका लागि केलियन एमबाप्पेले दुई तथा माउरो आइकार्डीले एक गोल गरेका थिए ।
खेलको नवौँ मिनेटमा पिएसजीका आइकार्डीले गोल गर्दै टोलीलाई सुरुवाती अग्रता दिलाए । त्यस्तै ४१औँ मिनेटमा एमबाप्पेले पेनाल्टीमार्फत गोल गर्दै पिएसजीको अग्रतालाई दोब्बर बनाए ।
पहिलो हाफ २–० गोलमा सकिएको खेलामा दोस्रो हाफको इन्जुरी समयको तेस्रो मिनेटमा एमबाप्पेले व्यक्तिगत दोस्रो गोल गरेसँगै पिएसजी ३–० गोलले विजयी भयो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
