९ मंसिर २०८१, आईतवार
२०७५ असार १४ गते, बिहीबार ०६:१४ मा प्रकाशित
विश्वकप फुटबलको समूह ‘जि’ को खेलमा इंग्ल्यान्ड र बेल्जियमबीच प्रतिस्पर्धा हुँदैछ । यसअघि नै यी दुई टिम नकआउट चरणमा पुगे पनि आजको खेलले समूह विजेता र उपविजेताको टुंगो लाग्नेछ ।
बेल्जियम र इंग्ल्यान्डको खेल कलिनिनग्राड रंगशालामा नेपाली समयअनुसार ११ बजेर ४५ मिनेटमा सुरु हुँदैछ । समूह ‘जि’ बाट यसअघि नै बेल्जियम र इंग्ल्यान्डले समान लगातार २–२ खेलमा जित हात पार्दै प्रिक्वाटरफाइनलमा प्रवेश गरेका हुन् । समूह ‘जि’ को विजेता बन्ने होडमा दुबै टिम रहेका छन् ।
इंग्ल्यान्डले आफ्नो पहिलो खेलमा ट्युनिसियालाई २–१ गोलअन्तरले पराजित गरेको थियो । त्यस्तै, आफ्नो दोस्रो खेलमा पानामालाई ६–१ गोलअन्तरले पराजित गर्दै विश्वकपको नकआउट चरणमा इंग्ल्यान्ड पुगेको थियो । यता, बेल्जियम पनि आफ्नो पहिलो खेलमा पानामालाई ३–० गोलअन्तरले पराजित गरेको थियो भने आफ्नो दोस्रो खेलमा ट्युनिसियालाई ५–२ गोलअन्तरले पराजित गरेको थियो ।
आजको खेलमा विजेता बन्ने टिम समूह विजेता बन्दै नकआउट चरणमा पुग्ने छ भने पराजित हुने टिम पनि उपविजेता बन्दै नकआउट चरणमा पुग्नेछ । इंग्ल्यान्ड र बेल्जियमले अहिलेसम्म २१ खेल खेलेका छन् । जसमा इंग्ल्यान्डले १५ खेलमा जित हात पारेको छ । २ खेलमा भने बेल्जियमले इंग्ल्यान्डलाई पराजित गरेको छ । त्यस्तै, ४ खेलमा दुबै टिमले बराबरी खेलेका छन् ।
यसै समूहको ट्युनिसिया र पानामाबीचको खेल पनि आजै हुँदैछ । विश्वकपको समूह चरणको अन्तिम खेल खेल्नु अघि नै बाहिरिसकेका यी दुई टिमबीचको खेल मोर्डो्भिया ऐरिनामा हुँदैछ । एजेन्सी
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
