९ मंसिर २०८१, आईतवार
२०७७ चैत्र २४ गते, मंगलवार ११:४७ मा प्रकाशित
सरकारले ११ वटा निर्माण व्यवसायी तथा आपूर्तिकर्तालाई कालोसूचीमा राखेको छ। सार्वजनिक खरिद अनुगम कार्यालयले मंगलबार सूचना सार्वजनिक गर्दै सार्वजनिक खरिद ऐन २०६३ को दफा ६३ को उपदफा(१) बमोजिम १ वर्षका लागि ११ निर्माण व्यवसायी र आपूर्तिकर्तालाई कालोसूचीमा राखिएको जनाएको हो ।
कालोसूचीमा परेका कम्पनीहरुमा मकवानपुरका हेटौँडा कन्स्ट्रक्सन, विनायक कन्स्ट्रक्सन, शर्मिला निर्माण सेवा, आर।एस। निर्माण सेवा र बि ब्रदर्स निर्माण सेवा छन् । त्यस्तै बाराको जनजागृति कन्स्ट्रक्सन र विशाल कन्स्ट्रक्सन तथा पर्साका अभय कन्स्ट्रक्सन र शिव निर्माण सेवा, रौतहटको सरस्वती कन्स्ट्रक्सन तथा काठमाण्डौको नयाँ युग निर्माण सेवालाई पनि कालोसूचीमा राखिएको छ ।
यी ११ वटै कम्पनीलाई कालोसूचीमा राख्न सडक विभाग अन्तर्गतको सडक डिभिजन कार्यालय हेटौंडाले लेखी पठाएको र सोहीअनुसार सोमबारको निर्णयले कालोसूचीमा राखिएको कार्यालयले जनाएको छ । कालोसूचीमा परेका निर्माण व्यवसायी तथा आपूर्तिकर्ताले १ वर्षसम्म कुनै पनि खरिद कारबाहीमा भाग लिन नसक्ने सूचनामा उल्लेख छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
