१० मंसिर २०८१, सोमबार
२०७८ बैशाख ९ गते, बिहीबार ११:०३ मा प्रकाशित
नेपाल, नेदरल्यान्ड्स र मलेसिया समावेश त्रिकोणात्मक ट्वेन्टी–ट्वेन्टी क्रिकेट सिरिजमा आज नेपाल र मलेसियाबीच प्रतिस्पर्धा हुँदैछ ।
कीर्तिपुरस्थित टियु क्रिकेट मैदानमा दिउँसो सवा १ बजे हुने खेलमा नेपाल मलेसियालाई हराएर शीर्ष स्थानमा रहँदै फाइनल खेल्ने लक्ष्यमा हुनेछ भने उपाधि होडबाट बाहिरि सकेको मलेसिया नेपाललाई हराएर सिरिजको सुखद अन्त्य गर्न चाहन्छ । यद्यपी नेपाल फाइनलमा पुगिसकेको छ ।
पहिलो भेटमा मलेसियालाई ९ विकेटले हराएको नेपाल उच्च आत्मबलका साथ मैदानमा उत्रनेछ । मलेसिया नेपालसँग अघिल्लो भेटमा व्यहोरेको हारको बदला लिने दाउमा हुनेछ । सिरिजको फाइनलमा नेपालले शनिबार नेदरल्यान्ड्ससँग खेल्नेछ ।
जारी सिरिजमा नेपाल ३ खेलबाट ४ अंक जोडेर दोस्रो स्थानमा रहेको छ भने मलेसियाको १ अंक मात्रै छ । मलेसियाले बुधबार नेदरल्यान्ड्ससँग बराबरी खेलेको थियो । शीर्ष स्थानमा रहेको नेदरल्यान्ड्सको ४ खेलबाट ५ अंक भएको छ । नेपालले आजको खेल जितेमा नेपाल शीर्ष स्थानमा रहने छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
