९ मंसिर २०८१, आईतवार
२०७५ असार २० गते, बुधबार ०८:०४ मा प्रकाशित
रुसमा जारी विश्वकप फुटबलको क्वाटरफाइनल समीकरण पूरा भएको छ । मंगलबार रातिबाट प्रि–क्वाटरफाइनल खेल सकिएसंगै क्वाटरफाइनल समीकरण पुरा भएको हो ।
फ्रान्स, उरुग्वे, रुस, क्रोएसिया, ब्राजिल, बेल्जियम, स्विडेन र इंग्ल्यान्डले अन्तिम आठमा स्थान पक्का गरेका छन् । विश्वकपको क्वाटरफाइनल खेलहरू असार २२ (शुक्रबार)बाट शुरु हुनेछ ।
पहिलो क्वाटरफाइनलमा उरुग्वे र फ्रान्सले प्रतिस्पर्धा गर्ने छन् । दुई टोलीबीचको खेल नेपाली समय अनुसार साँझ ७ः४५ बजे शुरु हुनेछ । शुक्रबार नै दोस्रो क्वाटरफाइनल खेल हुनेछ ।
जसमा ब्राजिल र बेल्जियम खेल्ने छन् । ब्राजिल र बेल्जियमबीचको खेल राति ११ः४५ बजे शुरु हुनेछ ।
यस्तै तेस्रो र चौथो क्वाटरफाइनल खेल असार २३ गते हुनेछ । तेस्रो क्वाटरफाइनलमा स्विडेन र इंग्ल्यान्डले खेल्ने छन् । स्विडेन र इंग्ल्यान्डबीचको खेल नेपाली समय अनुसार साँझ ७ः४५ मा शुरु हुनेछ ।
विश्वकपको चौथो तथा अन्तिम क्वाटरफाइनलमा आयोजक रुस र क्रोएसियाले खेल्ने छ । रुस र क्रोएसियाबीचको खेल नेपाली समय अनुसार राति ११ः४५ मा हुनेछ
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
