मैले किनेको सामान विदेशी अनुदान होइन: वनमन्त्री आले

होमल्याण्ड खबर

२०७८ जेष्ठ ११ गते, मंगलवार १३:१५ मा प्रकाशित

वन तथा वातावरणमन्त्री प्रेमबहादुर आलेले जिल्ला अस्पताल डोटीमा वितरण गरिएका ७५ अक्सिजन सिलिण्डरमध्ये १५ स्वास्थ्य सेवा विभागले प्रदान गरेको र ६० वटा आफूले किनेर दिएको दाबी गरका छन्।

मन्त्री आलेले वितरण गरेका सिलिन्डरमा उनको तस्बिर अंकित गरिएको छ।

उनले जिल्ला अस्पताल डोटीमा चार कन्सन्ट्रेटरसमेत आफ्नै लगानीमा किनेर प्रदान गरेको बताउँदै भने, ‘म व्यापारी होइन, जनताको सेवक हुँ, छातीमा हात राखेर भन्छु मैले किनेर दिएको सामान विदेशी अनुदानको होइन।’

मन्त्री आलेले आफ्नो व्यक्तिगत खर्चमा डोटीमा ६० थान अक्सिजन सिलिण्डर, एक लाख ५० हजार मास्क तथा सेती प्रादेशिक अस्पताल कैलालीमा ५० थान भरिएका अक्सिजन सिलिण्डर र ५० हजार मास्क प्रदान गरेको उनको सचिवालयले जनाएको छ।-रासस

सम्बन्धित खबर

कृषि क्षेत्रमा बजेट बढ्दो, उत्पादन घट्दो

प्रतिनिधिसभा बैठक : प्रधानमन्त्री वालेन्द्र शाहको तर्फबाट प्रस्ताव पेश हुँदै

२० दिन बिदामा बसिन् न्यायाधीश सपना प्रधान मल्ल

कङ्गोमा इबोला संक्रमणबाट १३६ जनाको मृत्यु, प्रकोप नियन्त्रणमा चुनौती

कांग्रेस नीति प्रतिष्ठानद्वारा १२ उपसमिति गठन

आर्थिक समृद्धिका लागि नवप्रवर्तनलाई प्राथमिकतामा राख्न सरकारसँग महावीर पुनको माग