फ्रान्सले उपलब्ध गराएको सात टन स्वास्थ्य सामग्री नेपाल आइपुग्यो

होमल्याण्ड खबर

२०७८ जेष्ठ १९ गते, बुधबार १२:३७ मा प्रकाशित

फ्रान्सले नेपाललाई कोरोना भाइरसविरुद्धको अभियानका लागि अत्यावश्यक स्वास्थ्य सामग्री सहयोग स्वरुप उपलब्ध गराएको छ। फ्रान्सले उपलब्ध गराएको सात टन सहयोग सामग्री लिएर कार्गो विमान बुधबार काठमाडौँ आएको हो। मास्क, एन्टीजेन टेस्ट किट, भेन्टिलेटर तथा भाइजरसहितका सामग्री फ्रान्सले नेपाललाई सहयोग स्वरुप दिएको हो। नेपाल सरकारले सहयोगका लागि गरेको अपील अन्तर्गत फ्रान्सले अत्यावश्यक सामग्री पठाएको हो।

५ लाख ४ हजार एफएफपी २ मास्क, २० हजार २ सय २५ एन्टीजेन टेस्ट किट, १२ हजार थान प्रोटेक्सन ग्लासेज, ९ वटा ओसिरिस तेस्रो रेस्पिरेटर र कन्सुम्बल तथा पाँचवटा सिरिअस ५० रेस्पिरेटर र कन्सुम्बल फ्रान्सले नेपाललाई प्रदान गरेको हो। यी सामग्री स्वास्थ्य मन्त्री हृदयश त्रिपाठीलाई नेपालका लागि फ्रान्सेली राजदूत फ्रान्कोइस–जेभियर लेगेरले हस्तान्तरण गरेका हुन्। त्रिभूवन विमानस्थलमा भएको हस्तान्तरण समारोहमा जर्मनी तथा फिनल्याण्डसहित युरोपियनका कूटनीतिज्ञको पनि उपस्थिति थियो।

सम्बन्धित खबर

कृषि क्षेत्रमा बजेट बढ्दो, उत्पादन घट्दो

प्रतिनिधिसभा बैठक : प्रधानमन्त्री वालेन्द्र शाहको तर्फबाट प्रस्ताव पेश हुँदै

२० दिन बिदामा बसिन् न्यायाधीश सपना प्रधान मल्ल

कङ्गोमा इबोला संक्रमणबाट १३६ जनाको मृत्यु, प्रकोप नियन्त्रणमा चुनौती

कांग्रेस नीति प्रतिष्ठानद्वारा १२ उपसमिति गठन

आर्थिक समृद्धिका लागि नवप्रवर्तनलाई प्राथमिकतामा राख्न सरकारसँग महावीर पुनको माग