१० मंसिर २०८१, सोमबार
२०७८ श्रावण ३१ गते, आईतवार ०९:५९ मा प्रकाशित
इंग्लिस प्रिमियर लिग फुटबलको नयाँ सिजनमा चेल्सीले विजयी सुरुवात गरेको छ । शनिबार भएको खेलमा क्रिस्टल प्यालेसलाई ३–० गोलले हराउँदै चेल्सी विजयी भएको हो ।
चेल्सीका लागि मार्कोस अलन्सो, क्रिस्टियन पुलिसिच र त्रिभो चालोबाहले एक–एक गोल गरेका थिए । खेलको २७औँ मिनेटमा चेल्सीका अलन्सोले गोल गर्दै टोलीलाई सुरुवाती अग्रता दिलाएका थिए । यस्तै ४०औँ मिनेटमा पुलिसिचले गोल गर्दै चेल्सीको अग्रतालाई दोब्बर बनाए ।
त्यसपछि ५८औँ मिनेटमा चालोबाहले गोल गर्दै चेल्सीलाई ३–० को जित दिलाए ।
यो जितसँगै चेल्सीले सिजनको पहिलो खेलमा महत्वपूर्ण तीन अंक जोडेको छ भने क्रिस्टल प्यालेसले सिजनको पहिलो खेलमै हार बेहोरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
