राष्ट्र बैङ्कले यातायात व्यवसायीलाई दिने कर्जामा लचकता

होमल्याण्ड खबर

२०७८ भाद्र ९ गते, बुधबार १४:३६ मा प्रकाशित

नेपाल राष्ट्र बैङ्कले यातायात व्यवसायीलाई दिने कर्जामा लचकता अपनाएको छ । बैङ्कले मौद्रिक नीति कार्यान्वयन गर्न ‘क’, ‘ ख’ र ‘ग’ वर्गका वित्तीय संस्थालाई एकीकृत निर्देशन जारी गर्दै लचकता अपनाउन भनेको हो ।

निर्देशनअनुसार कोभिड–१९ बाट अति प्रभावित यातायात व्यवसायीलाई सवारी साधन सञ्चालन तथा मर्मत सम्भारका लागि दिने ऋणमा कर्जा सीमा कायम नगरे हुने भएको छ । निर्देशनमा भनिएको छ, ‘बैङ्क तथा वित्तीय संस्थाले यातायात व्यवसायीलाई प्रति सवारी साधन २ लाखसम्म थप ऋण प्रदान गर्न सक्नेछन् ।’

कोभिड–१९ बाट अति प्रभावित यातायात व्यवसायीलाई दिइने यस्तो कर्जाका लागि इक्वीटी रेसियो र २०७९ असार मसान्तसम्ममा एकल ग्राहक कर्जा सीमा कायम नगरे हुने भएको छ । केन्द्रीय बैङ्कले महामारीबाट प्रभावित बनेका यातायात व्यवसायीलाई दिने राहतस्वरुप यस्तो व्यवस्था कायम गरेको हो ।

सम्बन्धित खबर

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा

तोलामा १ हजार बढ्यो सुन, कतिमा हुदैँछ कारोबार ?

काठमाडौं महानगरले उठायो ३ अर्ब १६ करोड बढी राजस्व

विदेशी मुद्रा सञ्चिति २२ खर्ब ३२ अर्ब पुग्यो

एमालेको जग्गा विवादसम्बन्धी मुद्दा आज पनि हेर्न नभ्याउनेमा