१० मंसिर २०८१, सोमबार
२०७८ आश्विन १३ गते, बुधबार १०:३१ मा प्रकाशित
पञ्जाब किंग्सलाई ६ विकेटले हराउँदै मुम्बई इन्डियन्स इन्डियन प्रिमियर लिग (आईपीएल) को अंक तालिकामा पाचौँ स्थानमा उक्लिएको छ । पञ्जाबले प्रस्तुत गरेको १३६ रनको लक्ष्य मुम्बईले १९ ओभरमा मात्र ४ विकेटको क्षतिमा सफलतापूर्वक पछ्याएको हो ।
मुम्बईलाई जीत दिलाउन हार्दिक पाण्ड्याले शानदार ब्याटिङ गर्दै ३० बलमा नटआउट रहँदै ४० रन बनाए । उनले छक्का हिर्काउँदै टोलीलाई जीत दिलाए । त्यस्तै सौरभ तिवारीले ३७ बलमा ४५ रनको योगदान दिए । पञ्जाबका लागि रवि विश्नोईले २ विकेट लिए ।
यसअघि, एडेन मार्करमको ४२ रनको मद्दतले पञ्जाबले निर्धारित २० ओभरमा ६ विकेटको क्षतिमा १३५ रन बनाएको थियो । पञ्जाबका लागि दीपक हुडाले २८ तथा कप्तान केएल राहुले २१ रनको योगदान दिए । ११ खेलमा १० अंक बटुल्दै मुम्बई पाँचौँ स्थानमा उक्लिएको छ । पञ्जाब ८ अंकसहित छैटौँ स्थानमा रहेको छ । एजेन्सी
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
