पाँचथरमा बस दुर्घटना हुँदा ५४ जना घाइते,१० गम्भीर

होमल्याण्ड खबर

२०७८ कार्तिक ८ गते, सोमबार १३:३८ मा प्रकाशित

पाँचथरमा बस दुर्घटना हुँदा ५४ यात्रु घाइते भएका छन् । घाइतेमध्ये १० जनाको अवस्था चिन्ताजनक छ ।

फिदिम नगरपालिका–४ सिवादोभानबाट झापाका लागि छुटेको को १ ख ३८६५ नम्बरको बस शान्तिपुरमा अर्को सवारीलाई उछिन्न सडकको डिलबाट अगाडि बढ्दा करिब २० मिटर तल खोँचमा झरेको थियो । दुर्घटनामा बसमा सवार सबै यात्रु घाइते भएकाले तिनलाई उद्धार गरी पाँचथरजिल्ला अस्पतालसहित समर्पित अस्पताल र पाथीभरा अस्पतालमा प्रारम्भिक उपचार गराइएको प्रहरीले जनाएको छ ।

घाइतेमध्ये चिन्ताजनक अवस्था रहेका १० जनालाई थप उपचारका लागि झापा पठाउने तयारी भइरहेको जिल्ला प्रहरी कार्यालयले जनाएको छ ।

दसैँमा घर तथा आफन्तकहाँ पुगी फर्कंदै गरेको जिल्लाको कुम्मायक, तुम्बेवा र फाल्गुनन्द गाउँपालिकाका वासिन्दा दुर्घटनामा परेका हुन् । कुम्मायकको यासोक बजारलाई फिदिमसम्म जोड्ने निवुखोलास्थित पुलको भाग भत्केपछि यात्रु ट्याक्सीबाट खोलासम्म आई बस चढेका थिए । दुई किलोमिटर दूरी पार नहुँदै बस दुर्घटनामा परेको थियो ।

सम्बन्धित खबर

सबैलाई समेटेर लैजान्छौँ : सभापति गगन थापा

बुटवलमा भूमिहीनको प्रदर्शन

स्वास्थ्य शिक्षा सामग्री अब हुलाकमार्फत देशभर पठाइने

४० लाख मूल्य बराबरको अवैध समानसहित दुई पक्राउ

कोहलपुरमा अतिक्रमण गरिएका सात सय घरटहरा हटाइए

मत्स्यनारायणमा भक्तजनको घुइँचो