९ मंसिर २०८१, आईतवार
२०७५ श्रावण २५ गते, शुक्रबार १३:२१ मा प्रकाशित
१८औं एसियाली खेलकुद प्रतियोगिताको तयारीमा रहेको नेपाली यु–२३ टिमले आज थाइल्यान्डको यु–२३ फुटबल टिमसँग प्रतिस्पर्धा गर्दैछ । नेपालले यो दोस्रो अभ्यास खेल खेल्न लागेको हो ।
नेपाली यु–२३ र थाइल्यान्डको यू–२३ टोलीबीच थाम्मासत युनिभर्सिटीको खेल मैदानमा प्रतिस्पर्धा गर्न लागेको हो । आज साँझ हुने खेलमा दुबै टिम जितको खोजिमा हुनेछन् । यसअघि नेपाल पहिलो अभ्यास खेलमा स्थानीय क्लब पुलिस टेरो क्लबसँग १–० गोलले पराजित भएको थियो ।
एसियन गेम्स को तयारीको लागी १० दिने बैदेशिक प्रशिक्षणका लागि नेपाली टिम थाइल्यान्ड पुगेको हो । थाइल्यान्डको प्रशिक्षणपछि नेपाली टोली त्यहीबाट इन्डोनेसियामा जानेछ । एसियन गेम्स अगष्ट १४ देखि सेप्टेम्बर १ सम्म हुनेछ । एसियन गेम्समा नेपाल रहेको समूह डी मा जापान, भियतनाम र पाकिस्तान रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
