प्रधानन्यायाधीश जबराबिरुद्ध बार एशोसिएसनको आन्दोलन अब भौतिक रुपमै

होमल्याण्ड खबर

२०७८ फाल्गुन १ गते, आईतवार १०:४३ मा प्रकाशित

प्रधानन्यायाधीश चोलेन्द्र शमशेर राणाको बहिर्गमनको माग गर्दै आन्दोलनरत नेपाल बार एशोसिएसनले आन्दोलनलाई आजदेखि पुनः भौतिक रुपमा नै निरन्तरता दिने भएको छ । कोभिड महामारीको कारण देखाउँदै पछिल्लो समयमा ‘भर्चुअल’ माध्यमवाट आन्दोलन गर्दै आएको बारले आज आइतबारबाट भौतिक उपस्थितीमा नै पुनः आन्दोलन गर्ने भएको हो ।

महासचिव लीलामणि पौडेलका अनुसार आज फागुन १ गते देखी बिहान ११ बजे देखी १२ बजेसम्म सर्वोच्च अदालत केन्द्रित आन्दोलन कार्यक्रम भौतिक रूपमा निरन्तर जारी रहने छ । उनका अनुसार गत २८ माघमा बसेको बार एशोसिएसनको निर्णय अनुसार उक्त आन्दोलनको नयाँ कार्यक्रम मिति र स्वरुप तय गरिएको हो ।

विगत १ सय ७ दिन देखी न्यायपालिकाको शुद्धीकरण र सुदृढीकरणको लागि न्यायाधीश हरिकृष्ण कार्कीको संयोजकत्वको प्रतिवेदनको कार्यान्वयन र प्रधानन्यायाधीश राणाको राजीनामा माग पुरा नभएसम्म आन्दोलन जारी रहने महासचिव पौडेलले बताए ।

सम्बन्धित खबर

नयाँ सामग्री खरिद नगर्न निर्देशन

राष्ट्रपतिसमक्ष महालेखापरीक्षकको प्रतिवेदन पेश

जेठ २१ भित्र कांग्रेस सदस्यता अद्यावधिक गर्न निर्देशन

प्रधानमन्त्रीको अनुपस्थितिमै नीति तथा कार्यक्रममाथि छलफल

प्रधानमन्त्री संसद्बाट भाग्न खोजेको आरोप : योगेश भट्टराई

कर्णालीको विद्युत् आपूर्ति प्रभावित भएपछि मन्त्री श्रेष्ठद्वारा कडा निर्देशन