२ जेष्ठ २०८३, शनिबार
२०७८ फाल्गुन २ गते, सोमबार ११:४४ मा प्रकाशित
नेपालमा अहिले देखिएको बर्डफ्लु मानिसमा पनि सर्न सक्ने स्वास्थ्य तथा जनसंख्या मन्त्रालयले जनाएको छ । केहि दिन अघि काठमाडौंको गोकर्णेश्वर नगरपालिका–३ र चितवनको राप्ती नगरपालिका–६ स्थित कृषि फार्ममा पालिएका कुखुराहरूमा बर्डफ्लु पुष्टि भएको थियो ।
कुखुराको नमुना केन्द्रीय पशुपन्छी रोग अन्वेषण प्रयोगशाला त्रिपुरेश्वरमा परीक्षण गर्दा बर्डफ्लु एचपीएआईको (एच ५ एन १, एभिएन इन्फ्लुएन्जा) प्रजाति पुष्टि भएको र सो संक्रमण मानिसमा पनि सर्न सक्ने मन्त्रालयका सहप्रवक्ता डा. समीरकुमार अधिकारीले जानकारी दिए ।
यी हुन् मानिसमा देखिने बर्डफ्लुका लक्षणहरूमा १००.४ डिग्री फरेनहाइटभन्दा बढी ज्वरो आउने , सिँगान बगिरहने र नाक बन्द हुनु, घाँटी दुख्नु, रुघा लाग्नु, श्वासप्रश्वासमा समस्या आउने हो ।
शंकास्पद पक्षीको सम्पर्कमा आएका व्यक्तिहरूले नजिकैको स्वास्थ्य केन्द्रमा जानकारी गराई संक्रमण भएरनभएको पहिचान गर्न पनि मन्त्रालयले आग्रह गरेको छ ।
त्यस्ता पक्षीको सम्पर्कमा आएका व्यक्तिहरू कम्तीमा १० दिन आइसोलेसनमा बस्न मन्त्रालयको अनुरोध छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
