स्थानीयले आन्दोलन गरेपछि बल्ल बन्न थाल्यो सुनाकोठी-चापागाउँ सडक

हिउँदमा धुलोले खपिनसक्नु हुन्थ्यो भने वर्षायममा हिलोले सवारी दुर्घटना भइरहन्थ्यो । घरबाट बाहिर निस्केर हिँडिसक्ने अवस्था थिएन । सडक कालोपत्रे गरेको ६ महिना पनि नटिक्ने, विस्तारका लागि सडक भत्काउने तर समयमा मर्मत नगर्ने ठेकेदारको कामबाट उनीहरू हैरान थिए । हद पार भएपछि उनीहरूले सडक छिटो सुधार गर्न माग गर्दै सडकमा बाँस, काठका मुठा तेर्साए, सडक अवरोध गरेर काम नगर्ने ठेकेदार विरुद्ध नाराबाजी गरे ।