६ निर्माण कम्पनी कालोसूचीमा

होमल्याण्ड खबर

२०७८ चैत्र २१ गते, सोमबार ११:०७ मा प्रकाशित

समयमा काम पुरा नगर्ने ६ निर्माण कम्पनी कालोसूचीमा परेका छन्। सार्वजनिक खरिद अनुगमन कार्यालयले  एक विदेशीसहित ६ निर्माण कम्पनलाई कालोसूचीमा राखेको हो।

विभिन्न सरकारी निकायको आग्रहपछि स्पष्टीकरण सोधेको कार्यालयले चित्तबुझ्दो जवाफ नआएपछि उनीहरूलाई कालोसूचीमा राखेको जनाएको छ। कालोसूचीमा राखिएको अवधि एकदेखि तीन वर्षसम्म छ।

कार्यालयले भारतीय कम्पनी टिबिइए इनर्जी प्राइभेट लिमिटेड कन्सोर्टिएम विथ पिपी इण्डष्ट्रिज प्रालिलाई तीन वर्षका लागि कालोसूचीमा राखेको छ। नेपाल विद्युत् प्राधिकरणको सिफारिसमा उक्त कम्पनीलाई कालोसूचीमा राखिएको हो।

त्यसैगरी, चिराग कन्स्ट्रक्सन, कर्णाली विल्डर्स, फैजल एण्ड अफजल कन्स्ट्रक्सन, कुशलदेव निर्माण सेवा र तितुङ कन्स्ट्रक्सन प्रालिलाई पनि कबुलअनुसारको काम नगरेपछि कालोसूचीमा राखिएको छ।

यी कम्पनीलाई क्रमशः सडक डिभिजन, दमौली, संघीय आयोजना कार्यान्वयन एकाई, धनुषा, ऊर्जा, जलस्रोत तथा सिंचाइ मन्त्रालय र नौकुण्ड गाउँपालिका, रसुवाले कालोसूचीमा राख्न पत्राचार गरेको आधारमा काचो सूचीमा राखिएको कार्यालयले जनाएको छ।

सम्बन्धित खबर

२ हजार ६ सय रुपैयाँले घट्यो सुनको मूल्य

भन्सार दर घटेपछि तोलामै १५ हजार ९ सय घट्यो सुन

सेयर बजार २६६७ अंकमा झर्‍यो, घट्यो कारोबार

सुनको भाउ बढ्यो, तोलाको कति ?

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा