अल्टिच्युड हेलिकोप्टर दुर्घटनामा मृत्यु भएका ६ जनाको शव काठमाडौंमा

होमल्याण्ड खबर

२०७५ भाद्र २४ गते, आईतवार १०:२७ मा प्रकाशित

नुवाकोटमा शनिबार भएको अल्टिच्युड हेलिकोप्टर दुर्घटनामा मृत्यु भएका ६ जनाको शव काठमाडौं ल्याइएको छ । त्रिभुवन विमानस्थलका महाप्रवन्धक राजकुमार क्षेत्रीका अनुसार ४ वटा हेलिकोप्टरमा ६ जनाको शव काठमाडौं ल्याइएको हो ।
दुर्गम स्थानमा हेलिकोप्टर दुर्घटनामा परेका हुनाले शव ल्याउन शनिबार निकै कठिनाइ भएको थियो । रातभर प्रहरी र स्थानीयबासीको सक्रियतामा शव बिहान बिदुर ल्याइएको नुवाकोटका प्रमुख जिल्ला अधिकारी उद्धवबहादुर थापाले जानकारी दिए ।
हेलिकोप्टरमा पाइलट निश्चल केसीसहित सात जना सवार रहेका थिए । अन्य यात्रुमा जापानी नागरिक हिरोमी कोमात्सु (राहदानी नम्बर टिके७१३६१२०६८), रामेछापका ४० वर्षीय दिल्लीबहादुर गुरुङ, दोलखाका ३७ वर्षीया हिरा शेर्पा, गोरखाको चुमनुब्री गाउँपालिका–२ का ल्हो आनी डोल्पा डिकी, चुमनुब्री गाउँपालिका–१ सम्दोका छोवाङ नुर्वु र सिन्धुपाल्चोकका २२ वर्षीय सुनिल तामाङ सवार रहेका थिए । दुर्घटनामा छ जनाको मृत्यु भएको थियो ।

सम्बन्धित खबर

कीर्तिपुरमा जित सुनिश्चित बनाउँदै माओवादी

हिजो सम्भवः नभए पछि रबि लामिछानेलाई आज साँझसम्म काठमाडौं ल्याइने

दुर्गा प्रसाईँलाई सर्वोच्चमा उपस्थित गराइयो

चुडामणिको मुद्दामा विपक्षी झिकाउन सर्वोच्चको आदेश

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा

२ हजार ६ सय रुपैयाँले घट्यो सुनको मूल्य