१२ मंसिर २०८१, बुधबार
२०७५ भाद्र २६ गते, मंगलवार ११:०२ मा प्रकाशित
हरितालीका तीजको दर खाने दिन मंगलबार परेको छ । हरितालीका तीजको ब्रत बस्ने नारीहरुले अघिल्लो दिन मीठा मीठा परिकार बनाएर खाने गर्दछन् । पहिले–पहिले व्रत बस्ने अघिल्लो दिन दर खाने चलन थियो । केही वर्ष यता भने महिना दिनअघिदेखि नै दर खाने चलन बढेको छ ।
भोलिपल्ट बस्नु पर्ने निर्जला व्रतलाई आजको दरले भ्याउनुपर्ने मान्यताका साथ दर खाने गरिएको बताईन्छ । भाेलिपल्ट व्रतमात्र नभई दिनभरिको नाचगान, कुराकानी, पूजापाठमा पनि शक्ति चाहिने भएकाले नारीहरुले याे दिन भरपूर दर खाने गर्दछन् । दिदिबहिनी एकैठाउँमा भेला भएर रमाइलो गर्दै बसेर मीठा-मीठा परिकारहरु खाने चलन नै दर हो ।
सामान्यतया ढकने, आलुदम, आलु–कवाफ, दुध, कुरौनी, फलफूल, मिठाई लगायतका आडिला कुराहरु दरको रुपमा खाने चलन छ । बिवाहितहरु लागि दरको महत्व अझ विशेष छ । माईतीको निम्तोमा दर खान पुगेकाहरु आजको दिन आमा, हजुर या भाउजुहरुको स्नेहमा कुनै सुर्ता नराखि खाने र रमाउने गर्दछन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
