९ मंसिर २०८१, आईतवार
२०७९ कार्तिक १६ गते, बुधबार १४:४८ मा प्रकाशित
आईसीसी टी–ट्वान्टी विश्वकप क्रिकेटमा नेदरल्यान्ड्सले जिम्बावमाथि जित निकालेको छ । बुधबार जिम्बावेलाई ५ विकेटले हराउँदै नेदरल्यान्ड्सले पहिलो जित निकालेको हो । अष्ट्रेलियाको एडिलेटमा जिम्बावेले दिएको ११८ रनको लक्ष्य नेदरल्यान्ड्सले १७ ओभर ६ बलमा ५ विकेट गुमाएर पूरा गर्यो ।
नेदरल्यान्ड्सको जितमा म्याक्स ओडोडले ५२ रनको अर्धशतकीय इनिङ खेले । यस्तै टम कुपरले ३२ रन बनाए । जिम्बावेका ब्लेसिङ मुजराबानी र रिचार्ड एनगाभाराले दुई दुई तथा लुक जोंग्वेले एक विकेट लिए ।
यसअघि पहिले ब्याटिङ गरेको जिम्बावेले १९ ओभर २ बलमा अलआउट हुँदै ११७ रन बनाएको थियो ।
जिम्बावेका लागि सिकन्दर राजाले ४० रन बनाए । सिन विलियम्सले २८ रन जोडे । नेदरल्यान्ड्सका लागि पाउल भान मिइकीरेनले ३ विकेट लिए । जितसँगै समूह २ को नेदरल्यान्ड्सले ४ खेलमा २ अंक जोडेको छ । जिम्बावे ४ खेलमा ३ अंक जोडेर चौंथो स्थानमा छ
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
