४ चैत्र २०८२, बुधबार
२०७९ कार्तिक २९ गते, मंगलवार १३:२७ मा प्रकाशित
मंसिर ४ को निर्वाचनका क्रममा भेट्न नभ्याएका मतदातालाई नेकपा एमाले सचिव योगेश भट्टराईले चिट्ठी पठाएर भोट मागेका छन् ।
निर्वाचनको घोषणादेखि नै उनी ताप्लेजुङमा घरदैलो र भेटघाटमा व्यस्त छन् । सत्तारुढ गठबन्धन कसिलो हुँदा चुनाव जित्न कठिन हुने विश्लेषणपछि गाउँ फर्केका भट्टराईले जिल्लाका अधिकांश गाउँमा पुगिसकेको बताएका छन् ।
‘योबीचमा हामी सम्भव भएसम्म सबैको घरदैलोमा पुग्ने कोसिस गर्यौं । तर, कतिपय मतदातासँग भेट्न अहिले सम्भव भएन । त्यसैले भेट नभएका मतदाताका नाममा चिट्ठी पठाएर आफ्नो कुरा राखेका छौँ,’ एमाले सचिव भट्टराईले भने, ‘अनुकूल समयमा भेट त भइहाल्छ । तैपनि अहिल्यै मतदाताको नाममा चिट्ठी पठाएका छौँ ।’
चिट्ठीमा प्रतिनिधिसभा सदस्य उम्मेदवार भट्टराई, प्रदेशसभा १ का तिलकुमार मेन्याङ्बो र प्रदेशसभा २ का गोपाल थोप्राले हस्ताक्षर गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
