१२ मंसिर २०८१, बुधबार
२०७५ आश्विन १ गते, सोमबार १०:३१ मा प्रकाशित
नजिकिँदै गरेको नेपालीहरुको महान पर्व दशैंको लागि आगामी शुक्रबार (असोज ५ गते) देखि अग्रिम टिकट बुकिङ खुल्ने भएको छ ।
आइतबार सरकार र यातायात व्यवसायीबीच दशैं मनाउन राजधानी बाहिर जानेको यात्रुका लागि अग्रिम टिकट बुकिङ खुलाउने सहमति भएको हाे ।
यातायात व्यवस्था विभागका प्रवक्ता गोकर्णप्रसाद उपाध्ययले शुक्रबारदेखि अग्रिम टिकट बुकिङ गर्ने सहमति भएको बताए ।
यातायात व्यवसायीहरुलले भाडादर बढाउनु पर्ने, समितिका रोकिएका बैंक खाता खोल्नु पर्ने लगायतका माग राखेर टिकट बुकिङ खुलाउन आनाकानी गर्दै आएका थिए ।
तर, आइतबारको बैठकमा असोज ५ अघिनै भाडामा हेरफर गरिने र बैंक खाताका लागि पनि पुनर्विचार गर्ने सरकारले संकेत गरेपछि व्यवसायी अग्रिम बुकिङ खुलाउन सहमत भएका हुन्।
यसवर्षको विजया दशमी कात्तिक २ गते परेको छ । दशैंको समयमा काठमाडौंबाट घर जानेहरुको चाप बढ्ने हुँदा वर्षेनी सार्वजनिक यातायातमा अग्रिम टिकट बुकिङको अभ्यास गरिँदै आएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
