४ चैत्र २०८२, बुधबार
२०७९ माघ ४ गते, बुधबार १७:३२ मा प्रकाशित
नेपाली कांग्रेसकी सांसद ईश्वरी न्यौपानेले प्रतिनिधिसभाको सभामुखमा उम्मेदवारी दिएकी छन् ।
बुधबार नयाँ बानेश्वारस्थित संसद भवनमा पुगेर उनले सभामुख पदका लागि उम्मेदवारी दर्ता गराएकी हुन् । उनको प्रस्तावकमा कांग्रेस महामन्त्री विश्वप्रकाश शर्मा छन् भने समर्थकमा नेकपा एसका सांसद प्रकाश ज्वाला रहेका छन् ।
न्यौपानेलाई माधव नेपाल नेतृत्वको नेकपा एस, उपेन्द्र यादव नेतृत्वको जनता समाजवादी पार्टी, नेपाल र महन्थ ठाकुर नेतृत्वको लोकतान्त्रिक समाजवादी पार्टी, नेपालको समर्थन छ ।
उम्मेदवारी दर्ता गराएपछि न्यौपानेले संसदमा तटस्थ भूमिका खेलेर सन्तुलित रूपमा संसद चलाउने बताइन् । कति जनाले समर्थन गरेको भन्ने कुरा निर्वाचनपछि थाहा पाउने उनको भनाइ थियो ।
पराजय हुने चुनाव लड्न तयार हुनुभयो होइन ? भन्ने प्रश्नमा न्यौपानेले भनिन्, ‘जय र पराजय कसरी थाहा पाउनुभयो ? म जयको नजिक छु ।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
